“ملخص المقال

بالصور هكذا أصبح شكل بليه بفيلم العفاريت الآن

كتبت : زهرة تقى 

الفنانة هديل خير الله الشهيرة بـ"بلية" والتي قامت ببطولة فيلم "العفاريت" أمام الفنان عمرو دياب والفنانة الراحلة مديحة كامل ظهرت مؤخرا فى وسائل الأعلام المختلفة والبرامج التلفزيونية

وتداول صورها رواد مواقع التواصل الإجتماعى وهى تحمل ملابس الشخصية "بلية" بفيلم "العفاريت" وقالت أنها مازالت تحتفظ بها لإعتزازها كثيرا بالدور الذى قامت بتقديمة والتى نالت شهرة كبيرة فى بداية عمرها بسببه

وكتبت "هديل" عبر حسابها على "فيس بوك" تدوينة قالت فيها: "للناس اللي لسه مهتمة وبتسألني دايمًا، دول 9 معلومات عن فيلم العفاريت مش هاتعرفهم غير من بلية":

بيت عمرو دياب اللي في الفيلم دا مش بيته ولا حاجة دا سويت في شيراتون الجزيرة.

الفيلم اتصور في حوالي 6 أشهر، ما عدا مشهد واحد، توقف التصوير تمامًا لمدة 7 أشهر، وبعدين أتصور المشهد، ودا كان مشهد ميال ميال في الاستاد.

 أول مشهد اتصور في الفيلم لبلية كان أول مشهد لبلية مع الكتعة اللي كان أول قلم علي وشي.

حفلة عمرو دياب في الفيلم كانت حفلة ليه بجد.

مشهد الشحاتة (اللي بدون حوار) كانت الكاميرا مستخبية في عمارة وكنت بشحت بجد ولميت فلوس.

المشهد بتاع "سرقت الخواجة كنتاكي" اتصور الساعة 3 صباحًا ولوزة نامت في التصوير واضطريت احفظ كلامها في ساعتها والحوار تم كله بيني وبين سقراط (لاحظ نومها في المشهد).

 أنا ما كنتش في الشوال لما سقراط شاله.

دور بلية كان لبنت عمرها 8 سنوات وكان على وشك اختيارها بالفعل والمخرج حسام الدين مصطفى لما شافني كنت أقل من 6 سنوات واخترني.

 بمناسبة إني كنت 6 سنوات كنا بناكل في الاستراحة بين المشاهد وعمرو دياب قعد في الكرسي اللي جمبي فقلتله "ماما لازم تقعد جنبي علشان تأكلني".

 

 

كلمات مفتاحية

مقالات ممكن أن تعجبك