اول لقاء مع طبيب وجراح امراض النساء والتوليد

اول لقاء مع طبيب وجراح امراض النساء والتوليد

القسم : عيادة النساء والتوليد مشاهدات : 4576

ملخص المقال

فى المقالة التالية هتتعرفى على اجواء اللقاء الاول مع طبيب وجراح امراض النساء وايه اللى هيطلبه منك وايه اللى هيسمعه منك علشان تشيلى اى نوع توتر فى اللقاء الاول ويمر بكل سهولة وبساطة

تابعونا على قناتنا على يوتويب ليصلكم كل جديد

اعداد : ماريا ألبير

 بعد التحيات والسلامات ومن قبلها دفع الكشف والفيزيتا بيبدأ الدكتور انه يحاول يتعرف عليكي (طبعا بطريقه مختلفه ولغرض مختلف) وكل سؤال هو أداه هتساعد في التشخيص السليم وروشته محترمه تجيب نتيجته من اول مره.

بعد كده هيسمع شكواك وهيحاول يجمعها من حيث بدايتها ومرتبطه بإيه وشكوي قديمه او حديثه ليها علاقة بأعراض تانيه .

وبعد كدة الكلام هياخذه لاي امراض تانيه او أي علاجات ماشيه عليها بانتظام او أي عمليات جراحيه سابقه.

العائلة بتاعتك هيسألك عنها وخاصه امك وخالتك

وهيسألك عن الدورة الشهرية وانتظامها وعن العلاقه الزوجيه واي مشاكل مرتبطه بيها .

وأخيرا عن اولادك وعددهم وسنهم ونوع الولاده ومكانها.

بكده هيكون اخذ التاريخ المرضي بصوره احترافيه بكل جانب من الاسئله دي يهمه جدا قبل اتخاذ قرار العلاج .

من المصلحه المشتركه ان اجاباتك تكون واضحه وصريحه .

بعد التاريخ المرضي بيكون الفحص الطبي متمثلاً في الوزن والضغط كمثال تاني وده بيعتمد ترتيبه ونوعه بصوره كبيره علي شكوتك
يعني شكوي السيده من عدم انتظاميه الدوره غير المتابعه الدوريه للحمل غير الكشف الطبي بسبب تكرار الاجهاضات وخلافه.
و بكده بيكون انتهي اول لقاء مع طبيب امراض النساء و التوليد .

استنوني بالمقال القادم
د.عمرو عبد العزيز
جراح النساء و التوليد و العقم

تقدرى تتابعى دكتور عمرو عبدالعزيز دلوقتى على صفحته الرسمية على فيسبوك : دكتور العيلة

شاهدى الحلقة الاولى من ادم وحواء كلينيك وعيادة النساء والتوليد

مع دكتور عمرو عبدالعزيز جراح النساء والتوليد